Plantun de Prouvènço

Pèr coumpara dos planto d'encò nostre

Orobanche amethystea & Delphinium fissum

Orobanche amethystea

Orobanchaceae

Noms en français : Orobanche couleur d'améthyste, Orobanche du panicaut.

Descripcioun :
Aquesto erbo-de-taurèu parasito majamen lou panicau e lis àutri Eryngium. Es uno planto pulèu forto, vióuleto emé de fueio en lanço que podon faire mai de 2 cm. Li sepalo soun acabado pèr uno longo pouncho. Fai partido dis Orobanche qu'an lis antèro bruno e lis estamino estacado à 3-4 mm de la baso de la flour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 15 à 22 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à juliet

Liò : Tepiero seco - Ermas
Estànci : Termoumediterran à Mountagnard
Couroulougi : Eurimediterrano
Ref. sc. : Orobanche amethystea Thuill., 1799

Capouchin(-fendu)

Delphinium fissum

Ranunculaceae

Noms en français : Dauphinelle fendue, Pied-d'alouette fendu.

Descripcioun :
Es uno planto renadivo proun grando e primo emé de fueio telado souvènt seco à la flourido. Li flour soun d'un poulit blu, pelouso emé un long esperoun. Vèn bèn dins li baus cauquié e li roucaio seco. Es uno planto proutegido.

Usanço :
Coume si cousin li tuo-loup, aqueste capouchin es uno planto proun empouisounanto. Caup d'alcalouïdo que paraliso lou cors e majamen l'alenamen. Li bèsti que l'esbrouton podon n'en mouri.